Kakalamuxen jolasa, entzutea eta lotura ditugu garapenaren eragile.
Lekeition kokatutako haur eta gazteen psikologia eta psikomotrizitate zentro bat gara. Bertan, haurrei, nerabeei eta haien familiei laguntzen diegu ikuspegi integral, errespetuzko eta hurbiletik.
Gure helburua da pertsona bakoitzari espazio seguru bat eskaintzea eta emozioen eta gorputzaren hazkundean modu osasungarrian laguntzea.
Kakalamux 2015ean sortu zen arreta goiztiarreko zentro gisa, txikienei eta haien familiei laguntza espezializatua eskaintzeko ilusioarekin. Denborarekin, gure ibilbidea eta esperientzia zabaltzen joan ginen, gaur egun garen haur eta gazteen psikologia eta psikomotrizitate zentro bihurtu arte. Harrezkero, 0-17 urte bitarteko haur eta nerabeei eta haien familiei laguntzen diegu garapen, ikaskuntza eta ongizate emozionaleko prozesuetan.
Bizkaiko Foru Aldundiarekin ere lan egiten dugu, eta adingabeei eta haien familiei arreta emateko programa eta zerbitzuetan parte hartzen dugu.
Sakon sinesten dugu jolasa bitartekari terapeutikoa dela. Haren bidez, adingabeek beren burua adieraz dezakete, beren bizipenak landu eta beren erritmoan aurrera egin.
Gure lana ikuspegi integral batean oinarritzen da, garapenaren dimentsio emozionalak, gorputzekoak, erlazionalak eta familiarrak kontuan hartzen dituena.
Gainera, sare-lanaren aldeko apustua egiten dugu, familiekin, eskolekin eta beste profesional batzuekin lankidetzan, laguntza koherentea eta kalitatezkoa eskaintzeko.
